Qytetari Agim Pllashniku, i cili u arrestua pasi e quajti “hajne” deputeten e VV-së, Fitore Pacolli, është liruar nga Policia e Kosovës, ndaj tij tashmë kanë nisur hetimet për veprën penale “kanosje”.
Lajmin e ka konfirmuar për Lajmi.net zëdhënësi i Policisë për rajonin e Prishtinës, Agron Borovci.
“Referuar këtij rasti, i dyshuari është ftuar për intervistim nga ana e policisë dhe me rekomandimin e prokurorit të shtetit, ndaj tij është iniciuar një hetim në drejtim të veprës penale ‘kanosja’, dhe i njëjti më pas është proceduar i lirë”, tha Borovci për Lajmi.net.
Ngjarja ndodhi si reagim i qytetarit ndaj përfitimeve financiare të familjarëve të deputetes Pacolli nga buxheti i shtetit. Pllashniku i kërkoi deputetes që t’ia paguante faturën në një kafene si formë proteste, gjë që më pas u pasua me ndërhyrje të policisë.
Rasti është në hetim dhe pritet të trajtohet në procedurë të rregullt nga organet kompetente./Lajmi.net/
- Advertisement -
