Një lindje e pazakontë ka ndodhur sot në tregun e qytetit të Kamenicës.
Këtë e ka bërë të ditur, kryetari i kësaj komune, Qëndron Kastrati, derisa ka shpjeguar se kur kuptuan që nëna dhe fëmija i posalindur gjendeshin në rrugë, u angazhuan për trajtim të mëtejshëm, njofton Klan Kosova.
”Sot rreth orës 17:00, një qytetar na njoftoi për një lindje jo të zakonshme në tregun e qytetit. U njoftuam që nëna dhe fëmiu janë në rrugë. Menjëherë u angazhuam ta gjejmë nënën dhe fëmiun dhe me ekipin mjekësor shkuam në shtëpi, ku iu bë kontrolla. Nëna dhe fëmiu janë shëndosh. Falënderoj qytetarin Fekim Dalipi që tregoi qytetari të dalluar duke lajmëruar rastin, dhe mjekun Latif Sylaj e infermieren Alba Latifi per pergjegjshmerine profesionale. Jeta e rëndë që e bën komuniteti rom në vendin tonë nuk mund të neglizhohet. Të gjithë qytetaret pa dallim përkatësinë meritojne vemendjen tonë.
Ne jemi duke u angazhuar me të gjitha kapacitetet të rifunksionalizojmë repartin e gjinekologjisë”.
