Lil Wayne fejohet në fshehtësi
Reperi i njohur amerikan Lil Wayne është fejuar në mënyrë të fshehtë, duke u larguar përkohësisht nga jeta “single”, raportojnë mediat ndërkombëtare.
Sipas burimeve të afërta me artistin, Lil Wayne i ka propozuar martesë më herët gjatë këtij viti një vajze në të 20-at, me origjinë nga Indiana, SHBA. Fejesa, sipas raportimeve, është mbajtur plotësisht larg vëmendjes së publikut dhe mediave.
Reperi 42-vjeçar ka pasur më herët disa lidhje të njohura në publik. Ai ka qenë i fejuar me modelen La’Tecia Thomas, me të cilën u nda në vitin 2020, si dhe më herët me këngëtaren Nivea, me të cilën ka edhe një djalë. Po ashtu, ai ka një tjetër djalë me Lauren London, ish-partneren e reperit të ndjerë Nipsey Hussle, si dhe ka pasur marrëdhënie të njohura me reperen Trina.
Lexo edheJennifer Lopez tërheq vëmendjen me foto verore në rrjetet sociale
Pavarësisht historikut të tij të bujshëm në dashuri, Lil Wayne ka zgjedhur që vitet e fundit ta mbajë jetën private larg syrit të publikut, gjë që sipas burimeve shpjegon edhe faktin pse fejesa ka qëndruar e fshehtë për një kohë të gjatë.
Deri më tani, përfaqësuesit e artistit nuk kanë dhënë ndonjë koment zyrtar lidhur me lajmin.
