Ylli i filmit “Titanic” Leonardo DiCaprio ka përjetuar një aventurë interesante në det para ndërrimit të viteve.
Aktori i famshëm i Hollyëood është kthyer në një hero duke shpëtuar me jahtin e tij privat një 24 vjeçar francez që kishte mbi 11 orë në ujë.
Marinari në gjendje të dehur si duket kishte rënë aksidentalisht nga anija turistike e Klubit Med në det, pranë St Martin në Karaibe.
Me 30 dhjetor, Di Caprio ishte me pushime me të dashurën 22-vjeçare Camila Morrone. Duke lundruar me varkë, bashkë me disa miq, ata dëgjuan thirrjen e emergjencës.
Fatmirësisht ata e shpëtuan personin një orë para perëndimit ndërkohë që po afronte stuhia.
“Leonardo luajti rolin kryesor në një histori si në filma. Ai shpëtoi jetën e një njeriu që kishte mbetur në det për 11 orë. Varka e Leonardos ishte e vetmja që po kërkonte për të”, tha një burim nga autoritetet e ishullit për “The Sun”.
