Shefi i Grupit Parlamentar i Aleancës për Ardhmërinë e Kosovës, Pal Lekaj, ka bërë një kërkesë të rrallë drejt Bashkimit Europian.
Lekaj ka kërkuar nga BE-ja që ose të liberalizojë vizat për kosovarët, ose të shkarkojë qeverinë në Kosovës, njofton Klan Kosova.
“BE-së i kërkojmë, liberalizim për Kosovën ose shkarkim të qeverisë”, thuhet në njoftimin që AAK-ja u ka dërguar mediave me reagimin e Lekajt, njofton Klan Kosova.
“Bashkimi Evropian ka zyrtarizuar liberalizimin e vizave për Ukrainën dhe Gjeorgjinë, por jo edhe për Kosovën. Një tjetër lajm i keq për qytetarët e Kosovës”.
“Ende ma e keqe është edhe fakti se po këtyre ditëve, para syve të Brukselit, lejohen të ngrihen mure që veç sa e trashin ndarjen dhe izolimin e Kosovës”.
“Pse duhet që BE-ja për interesa krejt irrelevant, të një kaste qeveritarësh të korruptuar e të mbërthyer vetëm rreth pushtetit të vet, të vazhdojnë getoizimin e qytetarëve tanë”.
“BE-ja duhet të insistojë që Kosova ta ketë një qeveri të interesit qytetar e jo vetëm sa për dialogun me Serbinë”.
“Morën rreth 50 milion banorë liri të lëvizjes, e nuk po arrini që t’ua pranoni 1,8 milionë qytetarëve të Kosovës lëvizjen e lirë”.
“Deri kur kështu?”, ka pyetur Lekaj në fund.
