Kryetari i Lidhjes Demokratike të Kosovës, Lumir Abdixhiku, ka vizituar sot qytetin e Shtimes, ku ka takuar kandidatin e kësaj partie për kryetar të komunës, Kastriot Shabanin dhe aktivistët e degës lokale.
Përmes një postimi në Facebook, i pari i LDK-së ka vlerësuar punën e palodhshme të strukturave të LDK-së në këtë qytet, duke përmendur se dega e Shtimes ka përfshirë 50% gra në listën e saj zgjedhore, raporton IndeksOnline.
“Do të jemi pranë në secilin qytet. Sepse për Lidhjen tonë nuk ka komuna të mëdha apo të vogla – ka vetëm qytetarë që meritojnë shpresë, zhvillim dhe dinjitet. Ka vetëm një mision, një ëndërr, një qëllim: të ofrojmë politikë moderne, të zgjidhjeve të problemeve dhe të projekteve konkrete”, ka shkruar Abdixhiku.
Tutje ai vlerësoi lartë edhe Kastriot Shabanin dhe ekipin e tij, duke thënë se janë dëshmia më e mirë e këtij vizioni, me punë serioze dhe përkushtim.
Postimi i plotë:
