Emin Lati, kryetar i OVL UÇK-së në Skenderaj, për emërimin e Bashkim Jasharit në krye të Forcës së Sigurisë së Kosovës, është shprehur optimist se ai do të ecë hapave të të parëve të tij, duke e ditur se është nip i komandantit legjendar, Adem Jashari.
“Bashkimi ka me zotënu këtë vend qysh kanë ditë të parët e tyne me zotënu”, ka thënë Lati për Info Magazine.
Sipas Latit ky emërim do të duhej të ndodhte më herët.
“Na e kemi pritë mirë këtë emërim të gjeneralit Bashkim Jashari, është i meritum është dashtë nashta pak ma herët po ma mirë vonë se kurrë”, ëhstë shprehur ai.
Lati tha se beson se puna në krye të FSK-së, Bashkim Jasharit do t’i shkojë mirë, në qoftë se nuk do t’i përzihet poltika.
“Edhe tash në Forcën e Sigurisë, besoj që ka me i shku shumë mirë, nëse nuk i përzihet politika, se kjo politika ditore pak po ia pështjellë sendet”, ka shtuar ai.
Poste të larta sipas Latit është dashur t’i jepen më shumë familjes Jashari.
“Është nder i vogël jo i madh, po aty i kanë punët parlamenti, është dashtë me qenë Murati far presidenti se qysh kanë ditë me luftu edhe me ru historinë e popullit shqiptar dhe jena ardhë deri këtu ku jemi falë tyne, besoj që edhe këtej kishin ditë me vazhdu rrugën e tyne për të mirën e vendit”, ka vazhduar Lati.
