Grupit të asamblistëve të PDK-Së në Kuvendin Komunal të Drenasit iu është bashkuar edhe një asambliste. Bëhet fjalë për Fitore Morinën, e cila fitoi mandatin me subjektin “Vizoni për Drenasin”, e drejtuar nga Xhavit Drenori.
Por asamblistja Morina ka ndarë rrugët me “Vizonin për Drenasin”, duke iu bashkuar grupit të PDK-së në Kuvendin Komunal të Drenasit.
Lajmin e ka bërë të diur kryetari i Drenasit, Ramiz Lladrovci.
Ky është njoftimi i Ramiz Lladrovcit:
Në Asamblenë komunale, Grupit Parlamentar të PDK-së, iu bashkua edhe një asambleiste, Fitore Morina.
Kur e kam marrë përsipër qeverisjen lokale, kam filluar që premtimet e dhëna, t’i zbatojë. Të gjitha ato arrita t’i realizojë, në bashkëpunim me zyrtarët e komunës dhe drejtorët e departamenteve, duke zbatuar ligjin, duke respektuar transparencën dhe llogaridhënien.
Për këto suksese, u bindën edhe shumë qytetarë por edhe asamblistë nga subjektet tjera, duke iu bashkuar konceptit të qeverisjes së proklamuar dhe të zbatuar pikë për pikë. Prandaj, sot, Grupi Parlamentar i PDK-së, nga fillimi i qeverisjes, është shtuar me 8 asamblistë.
Ne do të vijojmë të bëjmë më të mirën për qytetarët tanë. Mirë se vjen, znj. Fitore Morina!
