Presidenti i Kosovës, Hashim Thaçi iu është drejtuar përmes një letre kreut të qeverisë në detyrë e shefit të LVV’së, Albin Kurti nga i cili ka kërkuar që të propozojë kandidatin e ri që të mandatohet për kryeministër, raporton Gazeta Express.
Në këtë letër, Thaçi e njofton Kurtin se do të marrë hapat e nevojshëm sipas Kushtetutës së Kosovës, për formimin e Qeverisë së re, derisa, thotë se subjekti i parë i dalë nga zgjedhjet ka të drejtë propozimin edhe të një kandidati për kryeministër.
Përveç kësaj letre, Thaçi i ka nisur edhe një letër tjetër Kurtit, duke e falënderuar për dy letrat që ia ka nisur dje, derisa ka thënë se ishte kënaqësi që janë takuar.
Më poshtë dy letrat e Thaçit drejtuar Kurtit që i ka siguruar Gazeta Express.
