Më 18 Nëntor 2016 , në Sallën e Sporteve në Vushtrri, organizohet Panairi i Punës. Panairi i Punës organizohet nga Komuna e Vushtrrisë në bashkëpunim të ngushtë me projektin e GIZ-it „Promovimi i Punësimit të të Rinjve në Kosovë“ (YEPiK) dhe Asociacionin e Agjencive per Zhvillim Rajonal-Veri (AAZHR).
Për punëkërkuesit – Panairi i Punës është vendi i cili ofron informata për mundësitë e punësimit dhe praktikës në punë, dhe informata për trajnime e aftësime profesionale.
Për kompanitë – Panairi i Punës është vendi ku mund të shpallin vendet e lira të punës apo praktikës në punë. Gjatë panairit kompanitë gjithashtu mund të intervistojnë dhe vlerësojnë kandidatët potencial për punë apo praktikë në punë.
E para e Drejtorisë për Zhvillim Ekonomik dhe Bujqësi në Vushtrri, Arta Haxhaj, ka ftuar të gjithë të rinjët që ta vizitojnë panairin dhe njëherit ka ftuar kompanitë edhe jashtë komunës së Vushtrrisë që të plotësojnë vendet e lira të punës nga ky panair.
