Alban Beqiri nga Skenderaj po përballej me vdekjen, pas një sëmundje të rëndë e cila e goditi, ajo e diagnostifikimit me Leukemi Akute, njofton drenicapress.info
Për 23 vjecarin nga Baksi i Skenderajt, njerëz të vullnetit të mirë morën iniciativa nga të ndryshme, për t’i ndihmuar të riut drenicas.
Një lajm i mirë sapo u publikua përmes rrjeteve sociale dhe grupit në facebook “Ta Ndihmojmë Alban Beqirin”, duke njoftuar të gjithë se është gjetur palca që i përshtatet Albanit, duke u shtuar edhe shpresat për shërimin e tij.
Në njoftimin e bërë publik përmes rrjeteve sociale të cilin e transmeton Drenica Press shkruan:
EDHE NJË LAJM I MIRË PËR ALBANIN
ËSHTË GJETUR PALCA QË I PËRSHTATET ALBANIT
Me gjetjen e palcës e cila i përshtatet Albanit, shpresat për shërimin e tij nga sëmundja e leukemisë akute është rritur dukshëm, ngase është gjëja më e vështirë dhe më e shtrenjtë për ta siguruar.
Nga vëllau i Albanit – Elbasan Beqiri, është gjetur palca që i pështatet Albanit.
Palca e Albanit me palcën e vëllaut të tij ka përputhshmëri qelizore prej 40.77% në bazë të analizave që kanë dalur dje. Përputhja maksimale të binjakët është 45%. Ndërsa minimumi i lejuar për ta gjetur donatorin e duhur qenka 25%. Analizat për gjetjen e palcës së duhur për çdo person të testuar kushton mbi 1024 Euro. Deshti Zoti që ajo të gjendet me analizën e personit të parë, vëllaut të tij, e që shpenzimet të mbahen sa më të ulëta që është e mundshme.
P.S. Familja e Albanit së shpejti do të bëjë publike edhe sa të holla i duhen për shërimin e vllaut-djalit ton.
