Aksidenti i tretë me radhë ka ndodhur në autstradën Arbën Xhaferi, më saktësisht në fshatin Babushë të Lipjanit.
Zëdhënësi i Policisë Rajonale të Prishtinës, Bajram Krasniqi, ka thënë për Gazetën Express ka thënë se në aksident janë përfshirë një veturë e KFOR’it dhe një punëtorë në autostrafë.
Në ora 15:10, në autostradën ,,A.Xhaferi”, diku në km e 11 nga fshati Babush në drejtim të Lipianit, ka ndodh një aksident trafiku. Të përfshirë janë një automjet i KFOR-it dhe një këmbësor (punëtor i kompanisë që mirëmban autostradën”, ka thënë Krasniqi.
Ai ka treguar se lëndime ka pësuar këmbësori i cili është dërguar në QKUK. Policia dhe KFOR-i po e shikojnë vendngjarjen.
E shtuna ishte e kobshme në Kosovë. Rreth orës 13, në fshatin Duhël në Suharekës, vdiqën tre persona nga një aksidenti i rëndë me kamion.
Prokurori që ishte në vendin e ngjarjes i ka thënë Televizionit 7 se aksidenti dyshohet se është shkaktuar pasi vetura e tipit Golf 6, ku gjendeshin tre djem të moshës 23,21 dhe 20-vjecare, provoi të tejkalonte në vijë të plotë kamionin.
Ndërkaq gjatë ditës Gazeta Express ka raportuar se në fshatin Vitomiricë të Pejës nga një aksident tjetër humbi jetën një 63-vjeçar ndërsa mbetën të lënduara dy gra.
Kryeministri Ramush Haradinaj tha se ndjehet i shqetësuar për numrin e lartë të aksidenteve fatale dhe kërkoi nga qytetarët që të respektojnë rregullat e komukancionit. /Express/
