Barcelona pa përfunduar ende ky edicion, ka filluar të mendojë për përforcimet e verës
Drejtuesit e Barcelonës kanë kthyer vëmendjen nga qendërmbrojtësi kolumbian i Ajaxit, Davinson Sanchez, shkruan Mundo Deportivo.
Katalunasit e kërkuan kolumbianin edhe verën e kaluar, por ai preferoi Ajaxin, pasi aty iu premtua vend në formacionin e parë, për dallim nga Barcelona që e dëshironte për ekipin e dytë.
Barcelona gjatë tërë edicionit e ka përcjell zhvillimin e lojtarit, të cilin e dëshiron gjatë kësaj vere në Camp Nou.
Edhe lojtari është i gatshëm të largohet, ndërsa Ajax do të pranonte shitjen e tij, nëse merr një ofertë prej 25 milionë eurosh.
Por, Barcelona nuk është e vetme në garë për Sanchez, pasi atë e dëshiron edhe skuadra e Antonio Contes, Chelsea. /Express/
- Advertisement -
