Andrew Russell, përfaqësues i përhershëm i UNDP-së dhe njëherësh koordinator zhvillimor i OKB-së në Kosovë, ka deklaruar gjatë një interviste për gazetën “Zëri” se autoritetet kosovare duhet t’u dërgojnë mesazhe shkelësve të ligjit se nuk mund të shkoni larg me korrupsion pasi në fillim jo vetëm se të gjithë do ta marrin vesh atë se çfarë po ndodh, por do të fillojmë ta godasim edhe “xhepin” tuaj, shkruan sot Gazeta “Zëri”.
Nëse nuk ndodh luftimi i korrupsionit në Kosovë, atëherë edhe pas dy apo tre vjetëve do të flasim për liberalizim të vizave me Bashkimin Evropian (BE). Autoritetet kosovare duhet t’u dërgojnë mesazhe shkelësve të ligjit se nuk mund të shkoni larg me korrupsion pasi në fillim jo vetëm se të gjithë do ta marrin vesh atë se çfarë po ndodh, por do të fillojmë ta godasim edhe “xhepin” tuaj. Kështu ka deklaruar gjatë një interviste për gazetën “Zëri” Andrew Russell, përfaqësues i përhershëm i UNDP-së dhe njëherësh koordinator zhvillimor i OKB-së në Kosovë.
Russell gjatë kësaj interviste për “Zërin” ka folur edhe për luftimin e ekstremizmit dhe të terrorizmit, duke thënë se të gjithë duhet t’i kushtojmë vëmendje faktorëve të rrezikut të terrorizmit të brendshëm. “Ne të gjithë duhet t’u kushtojmë vëmendje faktorëve të rrezikut të terrorizmit të brendshëm, sepse ky lloj ndodh përmes radikalizimit në internet dhe kjo ndodh kur të rinjtë nuk ndihen sikur kanë një të ardhme. Ne duhet të ndihmojmë të krijojmë një ndjenjë të hapjes dhe të mundësisë që të rinjtë të kenë një të ardhme. Pastaj rreziku do të ulet gjithashtu”, ka pohuar mes tjerash Russell
