Një person me inicialet A.Rr., aksidentalisht ka vrarë veten në fshatin Fushticë e Ulët e Drenasit.
Flora Ahmeti, zëdhënëse e Policisë rajonale për Prishtinë, ka konfirmuar rastin për Express, duke thënë se për momentin kemi të bëjmë me një vdekje të dyshimtë.
“Është vdekje e dyshimtë. Rreth orës 13.00 në stacionin policor të Drenasit është hapur një rast për një vdekje të dyshimtë. Personi është mashkull, i lindur në vitin 1974. Jemi duke punuar për të zbardhur rastin se si ka ardhur deri te kjo vdekje e dyshimtë”, ka thënë Ahmeti përmes telefonit.
Sot Policia e Kosovës ka dhënë edhe një informacion shtesë duke shtuar se i ndjeri është dërguar pa shenja jete në QKUK, kurse tek vendi i ngjrjes është gjetur një pushkë gjuetie me gjashtë fishek, raporton Drenicapress.
Drenicapress merr vesh si i vrari është Avni Rrustemi nga fshati Fushticë e Ulët dhe pas tij ka lënë gjashtë fëmijë.
