Në rrjete sociale janë shpërndarë disa fotografi të një personi të maskuar si femër, për të cilin po thuhet se ka rrëmbyer disa fëmijë, transmeton Gazeta Metro.
Personi i maskuar femër është parë në Prizren dhe Malishevë, andaj është kërkuar që të kihet kujdes ndaj tij.
Në video shihet se personi i maskur qendron në stacionin e autobusëve në Malisheve.
Mes tjerash në rrjete sociale është thënë se personi në fjalë nuk është i vetëm, ndërsa thuhet se ka theks të të folurit nga Shqipëria.
Fotografitë e bërë shfaqin personin e mistershëm në qytetin e Malishevës dhe në stacionin e autobusëve në këtë qytet.
Gazeta Metro ka kontaktuar me zëdhënësin e policisë së Kosovës për rajonin e Prizrenit, Vesel Gashi për të marrë detaje në lidhje me rastin. Gashi tha deri tani policia e Prizrenit nuk ka ndonjë informacion në lidhje me rastin në fjalë dhe personin në fjalë.
“Nuk kemi ndonjë informatë të kësaj natyre për momentin”, ka thënë shkurt ai.
