Albadrit Sejdijaj është personi që mbeti i vdakur nga aksidenti në Mitrovicë, raporton Drenicapress.
Aksidenti ka ndodhur rreth orës 19:00, në rrugën “Dëshmorët e Kombit” në Mitrovicë.
Lëndime kanë pësuar edhe dy pasagjerë të cilët po trajtohen në Spitalin rajonal.
Nga ekzaminimi i vendit të ngjarjes, shkaktar i aksidentit dyshohet të jetë pakujdesia – mos përshtatja e shpejtësisë me kushtet e rrugës. Drejtuesi i veturës (viktima) ka humbur kontrollin ndaj automjetit, për çka del jashtë rrugës duke u rrokullisur.
DrenicaPress merr vesh se i riu ishte aktivist i Lëvizjes VetëVendosje në Mitrovicë e cila ka njoftuar për vdekjen e aktivistit të saj.
Me dhimbje të madhe dhe pikëllim të thellë morëm lajmin për vdekjen e aktivistit shembullor, Albadrit Sejdijaj.
Albadriti ishte njëri nga ne, në aktivitetet tona dhe punën tonë të përbashkët Albadriti ishte i pashoq në vetëmohim dhe aktivizëm, me shumë vullnet dhe shumë punëtor. Djemtë si Albadriti mbesin gjithmonë në mendjet dhe zemrat tona.
Albadriti u angazhua për fitoren tonë në Mitrovicë. Ishte aktivisti kryesorë i cili udhëhoqi aktivitetet tona nga pika në Bair, ku edhe u bë ndryshimi më i madh në gjithë komunën tonë, në të mirë të Lëvizjes VETËVENDOSJE! dhe qytetarëve.
Ngushëllime familjes Sejdijaj, ndajmë dhimbjen me ta në këto momente të vështira për të gjithë ne.
