Prokuroria Speciale e Kosovës ka ngritur aktakuzë ndaj një personi, i cili është shqiptar me vendbanim në Beograd.
Kjo aktakuzë ka të bëjë me Masakrën e Izbicës së Komunës së Skenderajt e cila ka ndodhur me 28 mars të vitit 1999.
Bëhet fjalë për Muhamet Alidemaj, i cili jetonte në Zemun te Beogradit dhe për 22 vjet ishte llogaritur si i i zhdukur dhe është arrestuar me 30 mars të vitit të kaluar, njofton Klankosova.tv.
Familja e të dyshuarit jetonte në Kerrninë të Istogut, në një lagje ku më parë jetonin serbët.
E bashkëfshatarët e tij, me 31 mars të vitit 2021, i kishin thënë Klan Kosovës se Muhametin e kishin ditur për të humbur në luftë.
Alidemaj u ndalua si i dyshuar si pjesëmarrës në Masakrën e Izbicës ku u vranë 147 civilë shqiptarë.
Ndryshe, masakra në Izbicë hyn në radhën e krimeve më të rënda të Serbisë, ku vrasja masive dhe varrimi i trupave, u bënë të njohura përmes pamjeve satelitore.
Më poshtë mund të ndiqni storien e realizuar nga Klan Kosova me rastin e arrestimit të Muhamet Alidemajt:
