Një mesazh “viral” po shpërndahet masivisht në “Facebook”, ku përdoruesit paralajmërohen se llogaria e tyre është klonuar.
“Facebook” ka dhënë një deklaratë duke njoftuar përdoruesit e tij, se mesazhi është i pavërtetë, duke e kategorizuar atë si “tallës”.
Në mesazh shkruhet:
“Përshëndetje, unë kam marrë një kërkesë tjetër miqësie nga ty dje, të cilën nuk e pranova dje. Ndoshta ti duhet të kontrollosh llogarinë tënde. Mbaj gishtin shtypur derisa të shfaqet butoni ‘forward’ dhe më pas dërgoja miqve të tu. Pac fat!”
Pjesa më e rëndësishme këtu është të kuptojmë nëse llogaria është e sigurtë. Nëse merrni këtë mesazh, nuk jeni hakuar. Është thjesht diçka për të mashtruar njerëzit.
Kjo gjë nuk ka asnjë lidhje me shpërndarjen e të dhënave që preku miliona përdorues të “Facebook”.
