Në media dhe në rrjete sociale është duke qarkulluar një fotografi në të cilën nën logon e Express-it, thuhet se PDK-ja dhe Vetëvendosja kanë nënshkruar marrëveshje bashkëpunimi. Lajmi në fjalë është lajm i rremë dhe Gazeta Express distancohet nga kjo gënjeshtër.
Një memorandum bashkëpunimi, që kinse është nënshkruar nga kreu i PDK-së, Kadri Veseli, dhe ai i Vetëvendosjes, Albin Kurti, është duke qarkulluar në rrjete sociale.
Në këtë letër, që mban logon e Express-it, shkruhet se dy subjektet politike kanë vendosur që në mënyrë konfidenciale të formojnë grupe punuese për bashkëpunim.
Letra në fjalë, që ka ngritur debat edhe në rrjete sociale, është lajm i rremë dhe Gazeta Express distancohet nga kjo gënjeshtër.
Se kjo letër, që u bë publike nga faqe anonime, nuk është e vërtetë së fundmi u tha edhe në reagimet e zyrtarëve nga dy partitë politike, VV dhe PDK.
