E njohim të gjithë si deputetin kontrovers, i cili bën “zhurmë” shumë të madhe si në Parlament e gjithashtu edhe në rrjetin social “Facebook”, ku është tejet aktiv
Karrierën e tij Fisniku e ka nisur shumë herët duke kaluar nëpër shumë sfida që ia servoi jeta, pasi që si i ri, në vitin 1991, u shpërngul në Londër së bashku me atë kohë të dashurën e tij Laurën, me të cilën ka edhe dy fëmijë.
Fillimet e tij ishin shumë të vështira pasi që si një i huaj nuk i ofroheshin mundësi më të mira punësimi.
Mirëpo, politikani me shumë kënaqësi në emisionin “Prive” tregon për profesionet e ndryshme, të cilat i ka praktikuar në fillimet e tij, duke nisur nga kamerier, shitës, pastrues, sigurim nëpër lokale e deri në momentet kur filloi studimet nga ku edhe u diplomua në vitin 1998 në multimedia.
Pas disa vitesh, Fisniku kthehet në vendlindje dhe hap një kompani marketingu ku edhe ideon monumentin e pavarësisë “Newborn”, me të cilin fitoi çmime të mëdha ndërkombëtare e më i veçanti është “Luani i Artë” në Cannes.
Për më tepër detaje rreth jetës së tij ndiqeni storjen e përgatitur nga gazetarja Maki Bajrami. /Prive.al/
