Kryetarja e Alternativës, Mimoza Kusari-Lila, dëshmoi edhe një herë lidershipin dhe përkushtimin e saj në Gjakovë, duke vënë theksin te roli thelbësor i grave dhe vajzave në jetën publike dhe politike.
Në një takim të mbajtur me gra dhe vajza nga profile të ndryshme profesionale, Kusari-Lila theksoi se Gjakova meriton më shumë dhe se përmes Alternativës do të sjellin ndryshimin e shumëpritur.
“Jam krenare për gratë e Gjakovës, për guximin, vizionin dhe energjinë e tyre, e cila aq natyrshëm kanalizohet përmes Alternativës,” deklaroi ajo.
Kusari-Lila veçoi se në këto zgjedhje, Alternativa ka më shumë gra sesa burra në listat për asambletë komunale në gjashtë komuna të vendit./IndeksOnline/
- Advertisement -
