Kandidati për kryeministër i Lëvizjes VETËVENDOSJE, Albin Kurti, sot ka vizituar Klinën në kuadër të fushatës zgjedhore.
Kurti nga Klina ka thënë se problem i njëjt në të tërë Kosovën është papnunësia.
“Kudo shkojmë nëpër Kosovë, problemi është i njëjti, papunësia. Këtë na i thanë edhe qytetarët e Klinës”, ka thënë Kurti.
Ish-lideri i VV-së ka shpalosur planin e VV-së për këtë problem.
“Por plani i Lëvizjes për shtetin zhvillimor, me fokus tek mbrojtja e sipërmarrjes së vogël e të mesme dhe tek ri-industrializimi, do të sjellë vende pune të qëndrueshme për Klinën e për gjithë Kosovën. Kurbeti nuk do të jetë më e vetmja zgjidhje sepse së bashku do ta ndërtojmë perspektivën tonë këtu, në vendin tone”, ka shtuar Kurti./Drenicapress.info/
