Kreu i LVV-së, Albin Kurti, sot po merr pjesë në mbledhjen e Këshilli të Përgjithshëm të partisë. Në fjalën e tij, Kurti ka folur për zgjedhjet lokale dhe për rezultatin që partia e tij ka marrë që nga viti 2013, duke përmendur qytetet e fituara e numrin e asamblistëve që ka marrë.
Kurti ka treguar se në zgjedhjet e vitit 2021, LVV kishte marrë 176 asamblistë, derisa në këto zgjedhje ka marrë vetëm një më shumë.
“Nga 69 asamblistë në 2013, në 127 në 2017, 176 në 2021, 177 në vitin 2025”, ka thënë Kurti.
Daljen si parti e tretë me numër të asamblistëve dhe rritjen veç për një asamblistë në këto zgjedhje, Kurti është munduar ta arsyetojë me zvogëlimin e numrit total të asamblistëve në nivel vendi.
“Dhe atë që sivjet kemi pasur një zbritje të numrit të përgjithshëm nga 983 në 931”, ka thënë Kurti.
