Nxënësit e Kosovës kanë shënuar një sukses të jashtëzakonshëm në Olimpiadën e Shkencave NEO, e mbajtur në Orlando të Shteteve të Bashkuara të Amerikës, duke fituar gjithsej 23 medalje dhe shtatë vende në kategorinë “Më të mirët e më të mirëve”, transmeton IndeksOnline.
Lajmi u bë i ditur nga Kryeministri në detyrë, Albin Kurti, i cili theksoi se në mesin e rreth 300 nxënësve nga 30 vende të ndryshme të botës, nxënësit kosovarë fituan gjashtë medalje të arta, tre të argjendta dhe shtatë të bronzta. Garuesit ishin nga klasa e III deri në klasën e XII dhe u dalluan në fusha si matematika, shkenca, biologjia, kimia, kodimi dhe inteligjenca artificiale.
Kurti shprehu kënaqësi të veçantë për pritjen e nxënësve në Ndërtesën e Qeverisë, së bashku me zëvendësministrin e Arsimit, Kelmendi, duke vlerësuar përgatitjen, dijen dhe suksesin e tyre që, sipas tij, e bëjnë Kosovën krenare. Ai theksoi se shteti do të vazhdojë t’i mbështesë nxënësit në rrugëtimin e tyre shkencor dhe profesional.
Statusi i tij i plotë:
