Klinë – Një atmosferë elektrizuese dhe një përkrahje e jashtëzakonshme qytetare e kanë pritur sonte kandidaten e PDK-së, Ariana Musliu Shoshi, e cila mbeti pa fjalë nga energjia pozitive dhe mbështetja masive e marrë në këtë qytet.
Mes duartrokitjeve dhe brohoritjeve, Musliu Shoshi u shpreh thellësisht e emocionuar, duke falënderuar qytetarët e Klinës për besimin dhe mbështetjen e dhënë, përcjellë Drenica Press.
“Jam tejet e emocionuar me këtë energji pozitive dhe këtë përkrahje që mora sonte. Faleminderit shumë, Klinë, për mbështetjen! Besimi juaj na jep forcë për të vazhduar edhe më të vendosur. Bashkë për fitore!”, theksoi ajo.
Takimi në Klinë u vlerësua si dëshmi e qartë e mbështetjes së fuqishme për Partinë Demokratike të Kosovës dhe për vizionin e saj për zhvillim dhe ndryshim. Qytetarët shprehën besim të plotë në angazhimin dhe përkushtimin e Ariana Musliu Shoshit, duke e cilësuar atë si zë të fuqishëm të tyre në institucionet e vendit.
Ariana Musliu Shoshi në këto zgjedhje garon me numrin 18, ndërsa PDK-ja me numrin 130, me Bedri Hamzën kandidat për kryeministër, duke synuar fitore të madhe me mbështetjen qytetare anembanë Kosovës.
