Trajneri i Majlinda Kelmendit, Driton Kuka, iu është përgjigjur pyetjeve të gazetarëve në sallën e konferencave të Aeroportit ‘Adem Jashari’ pasi dy xhudistet nga Kosova, Nora Gjakova dhe Majlinda Kelmendi, u kthyen me medalje.
Kuka zbuloji edhe një detaj mjaft interesant, ku tha se ishte Vladimir Putin, ai i cili beri të mundshëm që xhudistet tona të prezantohen me flamurin shtetëror dhe jo atë olimpik.
“Të them të drejtën para garës kemi pasur shumë stres pasi deri 15 minuta para luftës ne e dinim se do të prezantoheshim me flamurin e Federatës së Xhudos, por në fund gjithçka ndryshoi për të mirë”.
“Majlinda kampione, ceremonia dhe Nora me medalje, ishin tri arritjet tona të mëdha. Premtojmë përkushtim dhe fitore në të ardhmen”.
“Ishte Putin ai që pranoi që ne të prezantohemi me flamurin tonë, por kjo u ndalua nga Ministra e Jashtme. Por, ishte Putin që ua bëri të ditur të gjithëve se do të vinte personalisht të vendoste flamurin e Kosovës nëse do ishte e nevojshme”, ka thënë Kuka për fund. /Telegrafi/
