Drenica Press pat raportuar se një femër ka tentuar të paguaj me një kartëmonedhë prej 100 euro false, në një market në fshatin Llapushnik të Drenasit
Rasti është konfirmuar nga Policia e Kosovës ku u bë e ditur se e dyshuara është shoqëruar në polici.
Një rast i ngjashëm është regjistruar në Mitrovicë, ku thuhet se janë arrestuar dy të dyshuar meshkuj K-Shqiptarë (njëri i mitur), pasi që të njëjtit kanë marrë disa artikuj në një furrë buke dhe punëtorit ia kanë ofruar për pagesë një kartëmonedhë prej 100 € që dyshohet të jetë e falsifikuar.
Pas intervistimit në stacion policor janë shoqëruar edhe dy të dyshuar meshkuj K-Shqiptarë, pasi që për të njëjtit dyshohet se në bashkëveprim në mënyrë të organizuar kanë vënë në qarkullim kartëmonedhën e dyshuar. Me vendim të prokurorit, pas intervistimit të dyshuarit lirohen në procedurë të rregullt. /Drenica Press/
