Afati 15-ditësh që i është dhënë Glauk Konjufcës për ta paraqitur para Kuvendit qeverinë e re skadon nesër, por ende nuk është thirrur seanca e Kuvendit të Kosovës.
Konjufca u propozua mandatar më 4 nëntor, pasi kryeministri në detyrë, Albin Kurti, dështoi të sigurojë shumicën parlamentare.
Në anën tjetër partitë opozitare, LDK, PDK dhe AAK, vazhdojnë të qëndrojnë kundër tij dhe nuk japin sinjale se do ta mbështesin formimin e qeverisë ‘’Konjfca 1’’.
Me mbarimin e afatit 15-ditësh për formimin e qeverisë, njohësi i Kushtetueses , Kadri Kryeziu për FrontOnline thotë se nëse deri nesër nuk votohet qeveria , vendi automatikisht futet në një procedurë tjetër.
Ai shpjegon se në rast të mosformimit të qeverisë, përgjegjësia i kalon presidentes: ajo shpërndan Parlamentin, konsultohet me partitë dhe cakton datën e zgjedhjeve.
‘’Nëse nuk formohet qeveria nëse nuk konstituohet qeveria, atëherë shpërndahet parlamenti, presidentja vjen në skenë dhe e shpërndan parlamentin, bisedon me subjektet politike dhe e cakton datën e zgjedhjeve’’, thotë Kryeziu.
