Më rastin e shënimit të 18 vjetorit të masakrës së 54 martirëve të familjes Muqolli dhe Elshani në Poklekut të Vjetër dhe vrasjes së 24 civilëve të fshatit Çikatovë e Vjetër, kryetari i Komunës, Ramiz Lladrovci i shoqëruar nga ministri i Mjedisit dhe Planifikimit Hapësinorë, Ferat Shala, deputetet, Sala Berisha-Shala, Ganimete Musliu, Bislim Zogaj, drejtor të drejtorive komunale, ish kryetari Nexhat Demaku, asambleist të Kuvendit Komunal, familjarë dhe shumë qytetarë, kanë bërë homazhe në varrezat e tyre dhe kanë vënë kurora lulesh.
Fillimisht kryetari Lladrovci dhe të tjerët, kanë bërë homazhe dhe ka vënë kurora lulesh të lapidari i varrezave të fshatit Poklek i Vjetër për t’i nderuar 54 martirët e familjes Muqolli dhe Elshani, pastaj homazhe dhe kurora lulesh ka vënë edhe tek varrezat e 24 martirëve të fshatit Çikatovë e Vjetër.
Me rastin e shënimit të 18 vjetorit të vrasjes së Dëshmorit, Fetah Ali Kiqina, të pllaka përkujtimore, kryetari Lladrovci, deputetja Musliu dhe drejtor të drejtorive, po ashtu kanë bërë homazhe dhe kanë vënë kurora lulesh.
