Kryetari i Komunës së Drenasit, Ramiz Lladrovci, ka mbajtur takim me familjet e Dëshmorëve të Komunës së Drenasit dhe ka vlerësuar se këto familje janë të shenjëta dhe me vlera shumë të larta për ne dhe gjithë popullin e Kosovës.
Kryetari i Komunës së Drenasit, Ramiz Lladrovci ka takuar familjet e Dëshmorëve të Komunës së Drenasit për t’ua uruar festat e fundvitit dorë më dorë, duke i inkurajuar në takim për të qenë sa më afër në bashkëbisedim sepse ata janë familje të shenjëta dhe me vlera shumë të larta për ne dhe gjithë popullin e Kosovës.
Takimi me familje të Dëshmorëve ishte tejet përmbajtësor, ku kryetari Lladrovci i falënderoi të gjithë ata që ishin të pranishëm në takim. Ata shprehën falënderimin dhe mirëpriten këtë takim duke dhënë ide, vërejtje dhe sugjerime si dhe shprehën paknaqësitë e tyre rreth penzioneve.
Në fund të takimit Kryetari Lladrovci bëri shpërndarjen e dhuratave modeste për këto familje me vlera të larta për vendin tonë.
