Sot kryetari i komunës së Skenderajt, Bekim Jashari, ka pritur në takim drejtorin e shoqatës “Qëndresa Kosovare”, Islam Cakaj, me të cilin ka nënshkruar marrëveshjen e bashkëfinancimit për ndërtimin e Qendrës për Personat me Nevoja të Veçanta në Skenderaj.
Me këtë rast, kryetari Jashari është shprehur i lumtur që po e jetëson premtimin për këtë projekt shumë të rëndësishëm i cili do të përfundojë brenda 3 muajve.
“Brenda 3 muajve personat me nevoja të veçanta të komunës sonë do të kenë qendrën e tyre rehabilituese me një objekt modern, me salla të rehabilitimit fizik, trajtimit psiko-social, trajnimit dhe përgatitjes së tyre profesionale për tregun e punës”, ka deklaruar Jashari.
Në emër të qytetarëve të komunës së Skenderajt Kryetari Jashari ka falënderuar shoqatën “Qëndresa Kosovare”, dhe drejtorin Cakaj për ketë donacion dhe donacionet tjera të ofruara për komunën tonë nga shteti i Katarit.
