Kryetari i Komunës së Suharekës, Bali Muharremaj u ka bërë thirrje qytetarëve që të aplikojnë për legalizimin e objekteve të ndërtuara pa leje.
Muharremaj, këtë thirrje e ka bërë pasi ka treguar se vetë ka aplikuar për legalizim të shtëpisë së tij në fshtin Gjinoc, pasi kishte pritur në radhë bashkë me qytetarët, raporton Ndërtimi.info.
“Unë sot ju përgjigja procesit të legalizimit të objekteve të ndërtuara pa leje, në Komunën e Suharekës. Kam pritur në radhë si të gjithë qytetarët tjerë për të aplikuar, për legalizimin e shtëpisë në fshatin Gjinoc ku tashmë edhe jetoj. Për më shumë të dhëna, jeni të mirëpritur në Drejtorinë për Urbanizëm dhe Planifikim në Komunën e Suharekës. I ftoj të gjithë qytetarët e Komunës së Suharekës, që të jenë pjesëmarrës në procesin e legalizimit, për shtëpitë dhe objektet tjera të banimit dhe bizneseve të tyre”, ka shkruar ai në facebook.
- Advertisement -
