Kryetari i Skenderajt, Bekim Jashari, ka dënuar aktin e dëmtimit të natyrës së komunës që ai udhëheqë, duke kërkuar nga qytetarët që t’i lajmërojnë tek organet komunale ata që po i vënë flakën maleve.
Në një postim në Facebook ai bëri lutje që të mos bëhen veprime të tilla kundër vendit tonë për të cilin u derdh gjak.
“Edhe sot në kohë pandemie zjarrfikësit tonë janë duke fikur zjarrin që qytetarë të pa ndërgjegjshëm po i vënë maleve e fushave në fshatrat Ticë, Rakinicë e në afërsi të Radishevës”, ka shkruar ai.
Shkrimi i tij i plotë:
Qytetarë, kjo nuk mund të tolerohet!
Ju lutem shumë që të mos bëni veprime të tilla kundër natyrës sonë, vendit tonë për të cilin u derdh gjak.
Edhe sot në kohë pandemie zjarrfikësit tonë janë duke fikur zjarrin që qytetarë të pa ndërgjegjshëm po i vënë maleve e fushave në fshatrat Ticë, Rakinicë e në afërsi të Radishevës.
Në mënyrë që të ndalim këto veprime kundër natyrës sonë kërkoj nga ju qytetarë që të lajmëroni tek organet tona komunale ata që po i vënë flakën maleve.
Po ashtu kërkoj nga Policia e Kosovës që të na ndihmojnë në gjetjen e personave që po bëjnë vepra të tilla të liga.
Bashkë të mbrojmë natyrën tonë të shenjtë!
