Kryetari i Odës Ekonomike të Kosovës, Berat Rukiqi në një intervistë për Front Online ka thënë se sa i përket Rimëkëmbjes ekziston veç një pako aktive e krijuar enkas për këtë punë. Është ndihma 6-milionëshe që Qeveria “Kurti” miratoi ditë më parë për bizneset që qëndruan të mbyllura për dy javë, nga 7 deri më 18 prill. Janë 9 mijë sosh që u vunë thuajse nën dry. Kur merr për bazë këtë shifër, të parit të OEK-ut, shumë e ndarë nga qeveritarët s`i duket e mjaftueshme.
“Nuk është e mjaftueshme. Jemi duke fol për 12 ditë. Kërkesa jonë është që kësaj here me u leju me punu. Natyrisht që këto, 700 euro, nuk presin t`i nxjerrin nga situata e pakënaqshme që është krijuar që prej fillimit të pandemisë”, pohoi Rukiqi për Front Online.
I kënaqur fare nuk është as me pakot e tjera të mëparshme të Rimëkëmbjes, të dizajnuara nga qeveria e kaluar.
“Ka pasë një Ligj të Buxhetit që nuk e ka marrë parasysh Ligjin e Rimëkëmbjes dhe i ka ndarë diku 70 milionë euro për masat e Rimëkëmbjes. Në këtë shumë është futur gjithçka, edhe vaksinat, edhe shtesat për policë, mjekë, për kategori të caktuara, edhe skemat sociale, dikun krejt në fund kanë mbet 10 milionë euro për bizneset që kanë qenë jashtëzakonisht pak”, pohoi numri një i OEK-ut.
