Kryetari i Ballit Kombëtar, Gazmend Islami ka reaguar lidhur me publikimin e listave me emrat e veteranëve të cilët janë cilësuar si mashtrues.
Islami ka deklaruar se në zonën e Llapit vetëm nga fshati i tij i lindjes, Dumnicë ka arritur të identifikojë rreth 30 mashtrues duke i njohur nga afër dhe që sipas tij nuk kishin lidhje me luftën, transmeton Indeksonline.
I pari i Ballit Kombëtarë ka thënë se lista e dërguar në Gjykatë është shumë e saktë me përjashtim të ndonjë emri që ka futur pushteti për të bërë listën se gjoja ka gabime të mëdha në listë.
Postimi i plotë:
Kush po mundohet të hedh hi mbi të vërtetën e veteranëve mashtrues, është vetëm pushteti i cili ka bërë edhe publike emrat, aty këtu ka futur ndonjë emër sa për të habitur opinionin, mirëpo duke shfletuar emrat e ZO të Llapit, munda të identifikoj nga fshati im i lindjes Dumnicë ishin rreth 30 mashtrues duke i njohur nga afër që ata nuk kanë lidhje me luftën e që e pranojnë edhe vet, pra thjesht lista është shumë e saktë me përjashtim të ndonjë emri që ka futur pushteti për të bërë listën se gjoja ka gabime të mëdha në listë.
Veq e gëzofshin banditët, burgu do të ishte zgjedhja më e mirë për ata që i bënë me qëllim këto lista për përfitime personale dhe grupore.
