Kryeshefja e Inspektoriatit Policor të Kosovës, Miradie Kelmendi është duke raportuar para komisionit për Punë të Brendshme, Siguri dhe Mbikëqyrjen e Forcës së Sigurisë së Kosovës, për rastin e abuzimit seksual me të miturën nga Drenasi.
Ajo ka thënë se rasti i Drenasit është i ndjeshëm dhe se në të ka të përfshirë më shumë se 3 persona që janë përfolur në media nga fillimi, raporton Indeksonline.
“Ka edhe persona të tjerë të inkriminuar në këtë rast, nga institucione të tjera”, ka thënë Kelmendi, e pyetur nga deputeti Rexhep Selimi nëse ka të tjerë të dyshuar, përveç gjinekologut, policit e mësimdhënësit.
Nga Selimi, Kelmendi është pyetur nëse i dyshuar është edhe avokati që kishte denoncuar rastin, por ajo nuk është përgjigjur, me arsyetimin se rasti është ende nën hetime. /Indeksonline/
