Kryeministri i Kosovës, Ramush Haradinaj ka reaguar pas deklaratës së anëtarit të kryesisë së (OVL – UÇK), Nasim Haradinajt për vrasjet e pasluftës.
Nasim Haradinaj nga Organizata e Veteranëve të Luftës së UÇK’së, bëri dje një deklaratë, ku kishte thënë që “punë e madhe” që viktimat e vrasjeve politike kanë qenë anëtarë të LDK-së, ku pas kësaj kishin reaguar partitë të ndryshme politike.
Shefi i Qeverisë, ka theksuar që vrasjet politike të pasluftës do të hetohen nga institucionet e rendit dhe ligjit, transmeton Metro.
“Vrasjet e pasluftës, të figurave të shquara publike e politike, si krime, do të hetohen nga institucionet e rendit dhe ligjit. Këto vrasje janë plagë e dhimbshme dhe moszbardhja e të gjitha vrasjeve të pasluftës është turp për Kosovën, shoqërinë dhe institucionet e rendit dhe ligjit. Prononcimet publike lidhur me këto raste, të çfarëdo natyre qofshin, nuk duhet të zbehin përgjegjësinë dhe detyrën e institucioneve të vendit për zbardhjen e tyre”.
