Kryeministri Hoti emëron Drejtorin e Zyrës për Çështje të Kategorive të Dala nga Lufta e UÇK-së

Sylë Vitia u emërua Këshilltar Politik i Kryeministrit Hoti dhe Drejtor i Zyrës për Çështje të Kategorive të Dala nga Lufta e UÇK-së.

Kryeministri i Republikës së Kosovës, Avdullah Hoti, në mbështetje të përgjegjësive të tij kushtetuese, emëroi sot z. Sylë Vitia Këshilltar Politik dhe Drejtor të Zyrës për Çështje të Kategorive të Dala nga Lufta e Ushtrisë Çlirimtare të Kosovës.

Përveç detyrave të tjera të parapara, z. Vitia do të punojë me prioritet për shqyrtimin e të gjitha kërkesave të kësaj kategorie, të cilat presin përgjigje.