Një episod i fundit i dokumentarit “Stacey Dooley Sleeps Over” ka sjellë emocione të forta, pasi një vajzë britanike u përball publikisht me prindërit e saj për zgjedhjet e karrierës.
Lily Phillips, 24 vjeçe nga Derbyshire, e cila fiton para përmes përmbajtjeve për të rritur në platformën OnlyFans, u ul në një bisedë të sinqertë me prindërit e saj, Lindsay dhe Emma. Në një moment të mbushur me tension, të tre shpërthyen në lot.
“E kemi ditur prej vitesh që Lily përdorte OnlyFans dhe mendonim se ishte thjesht poza me bikini ose të brendshme. Po kur mori hapin tjetër, thamë ‘jo’,” – tha e ëma.
I ati u shpreh i dëshpëruar: “Nëse do të mundnim ta ndryshonim profesionin e saj brenda natës, do ta bënim. Është poshtëruese. Nëse është çështje parash, do ta shisnim edhe shtëpinë, vetëm që ajo të hiqte dorë.”
Në një moment, Lily u largua nga kamera, duke thënë se nuk donte të filmohej më. Edhe prindërit shpërthyen në lot, duke pranuar se puna e saj ka sjellë shumë dhimbje në familje.
Megjithatë, 24-vjeçarja mbetet e vendosur. “E kuptoj dhe respektoj se si ndihen ata, por nuk do të ndalem,” tha Lily.
Karriera e saj në OnlyFans është shoqëruar me shumë polemika. Ajo ka treguar se fitoi 2,000 £ në ditën e parë të hapjes së profilit, ndërsa më pas ka kryer edhe akte skandaloze që kanë ndezur reagime, përfshirë një stunt ku pretendoi se ka fjetur me 101 burra në një ditë.
