Komisioni Qendror i Zgjedhjeve ka përfunduar numërimin e 100 për qind të votave për kandidatët për deputetë.
Sipas rezultateve përfundimtare, renditja e pesë kandidatëve më të votuar nga katër partitë më të mëdha politike ka mbetur e pandryshuar.
Nga Lëvizja Vetëvendosje, pesë më të votuarit janë: Albin Kurti, Glauk Konjufca, Albulena Haxhiu, Hekuran Murati dhe Donika Gërvalla, transmeton lajmi.net.
Partia Demokratike e Kosovës përfaqësohet nga Bedri Hamza, Arian Tahiri, Përparim Gruda, Uran Ismaili dhe Sala Jashari.
Nga Lidhja Demokratike e Kosovës, më të votuarit janë Lumir Abdixhiku, Hykmete Bajrami, Ukë Rugova, Avdullah Hoti dhe Doarsa Kica-Xhelili.
Ndërkaq, nga Aleanca për Ardhmërinë e Kosovës, pesë deputetët më të votuar janë Ramush Haradinaj, Daut Haradinaj, Besnik Tahiri, Bekë Berisha dhe Agim Çeku./lajmi.net/
