Një 39-vjeçar nga Kosova është arrestuar nga Policia Kufitare në Morinë, pasi gjatë kontrollit në automjetin e tij u gjetën armë dhe municion.
Autoritetet shqiptare njoftojnë se në automjet u sekuestruan dy karikatorë me fishekë, dy thika, një sëpatë dhe një shkop metalik, si dhe vetura e tij, të gjitha si prova materiale, transmeton lajmi.net.
Shtetasi kosovar, identifikuar si M.L., 39 vjeç, banues në Kosovë, u arrestua për veprat penale “Trafikimi i armëve dhe i municionit” dhe “Prodhimi, mbajtja, blerja apo shitja pa leje e armëve të ftohta”. Materialet procedurale janë dërguar në Prokurori për veprime të mëtejshme.
Policia ka nënvizuar se ky arrestim është rezultat i kontrolleve të rrepta në pikat kufitare dhe përbën pjesë të luftës kundër trafikimit të armëve dhe municionit./lajmi.net/
