Sot Kosova mori një lajm të madh: U tërhoq Contour Global për ndërtimin e Termocenralit “Kosova e Re”.
Kjo nënkupton, se populli i Kosovës vetëm në emër të energjisë elektrike, për 20 vjetët e ardhshme do të paguajë rreth 5 miliardë euro më pak energji elektrike sa i ishte gatuar të paguante nga qeveria e kaluar.
Kjo, pasi kthimi në investime për një termocentral që ka jetëgjatësi 40 vjet, i ishte garnatuar për 6 vjet! Pra, investitori do të na i rruante paret për 6 vjet, ndërsa plot 34 vjet do të fitonte në kurriz tonin.
Nga ajo që ishte gatuar, ditën kur ky termocentral do të niste operimin, Kosovës do t’i dyfishoheshin ose edhe më tepër tarifat e energjisë elektrike.
Kjo nënkupton, se në 20 vjet, ngarkesa për popullin e Kosovës do të ishte së paku 5 miliardë euro mbi tarifat ekzistuese.
Investitorit i garantohej gjithcka: Kredia për ta ndërtuar, investimi dhe në fund kthimi i investimeve. I garantohej edhe fitimi i majmë.
Kompania ndërtuese ndërkohë, nuk barte asnjë risk të vetëm.
Për më tepër, ky termocentral ishte paraparë të ndërtohej në Obliq, duke operuar në një zonë që afekton së paku gjysmën e popullatës së Kosovës.
Termocentrali i ri mund të alokohet më në përendim, psh në bazenin e Drenicës, ku ka miliarda tonë qymyr, por popullata është dukshëm më e rrallë dhe ndikimi direkt në popullatë është shumë më i vogël.
Ne nuk kemi nevojë ti garantojmë askujt asgjë. Termocentrali është fabrikë dhe a e shet mallin a jo fabrika, nuk ka nevojë të brengoset e as të paguajë populli i Kosovës tarifa të cmendura për këtë.
Risku i secilit biznes duhet t’i takojë atij që i investon parata. Ne duhet t’ia garantojmë operimin e lirë, furnizimin me qymyr dhe rregullativën energjetike dhe ambientale.
Buzhala ka reaguar edhe ne profilin e tij ne facebook:
