Në shembullin e mëposhtëm kemi një shpenzim mbi bllok-tarifë – 1548 kWh.
Në tetor të vitit 2024, kjo sasi e energjisë ka kushtuar 86.28 €, ndërsa me tarifat e reja të miratuara nga Zyra e Rregullatorit për Energji, që janë në fuqi nga maji 2025, kostoja është 100.17 €.
Edhe pse sasia e konsumuar është e njëjtë, ndryshimi i tarifave ndikon në çmim, prandaj kursimi mbetet mënyra më e mirë për ta mbajtur faturën nën kontroll dhe për të përdorur energjinë në mënyrë më efikase.
KESCO do të vazhdojë të ndajë këshilla të vlefshme për kursimin e energjisë, për t’ju ndihmuar të ruani edhe energjinë, edhe buxhetin tuaj.
