Konsullata e Republikës së Kosovës në Cyrih ka bërë një njoftim për ata që u ka përfunduar viza gjatë qëndrimit në Zvicër.
Njoftimi:
Konsullata e Republikës së Kosovës në Cyrih ka njoftuar të gjithë shtetasit e Republikës së Kosovës, të cilëve u ka skaduar afati i Pasaportës apo i vizës së qëndrimit në Konfederatën Zvicerane gjatë kësaj periudhe kohore dhe të cilët, si rezultat i zhvillimeve të fundit dhe masave respektive të ndërmarra në lidhje me parandalimin e përhapjes së virusit Covid-19 nuk kanë mundur të udhëtojnë në Republikën e Kosovës ta informojnë Konsullatën e Republikës së Kosovës në Cyrih brenda 48 orëve (deri më 19 mars në mesditë), duke e dërguar një email në adresën [email protected] ku duhet të përfshihet kopja e pasaportës dhe vizës së skaduar, përcjell albinfo.ch.
Duke ju falënderuar paraprakisht për mirëkuptimin Tuaj!
Me respekt,
Stafi i Konsullatës së Republikës së Kosovës në Cyrih.
