Agjenti i sulmuesit të Bayern Munihut, Robert Lewandoski, ka konfirmuar se lojtari i tij ka pasur bisedime me gjigantin spanjoll, Real Madrid.
“Real Madridi na ka kontaktuar disa javë më parë, kemi dëgjuar gjithçka që kanë thënë. Është klub i madh. E kemi njoftuar edhe Bayernin që kemi pasur takime me Realin”, ka thënë Cezary Kuchrski për “Spiegel”, transmeton koha.net.
Edhe vetë lojtari, që ka kontratë me Bayernin deri më 2019, ka thënë se ndjehet mirë në Gjermani, por ekziston mundësia që të ndërrojë ambient.
“Real Madridi është ekip i madh. Jam që gjashtë vjet në Gjermani dhe kam fituar gjithçka. Nganjëherë duhet të mendoni për të ndërruar ambient dhe për të gjetur vend të ri”, ka thënë lojtari.
Lewa sezonin e kaluar shënoi 30 gola në 32 paraqitje në Bundesligë.