Komuna e Skenderajt sot ka pranuar një veturë donacion i Misionit të Kombeve të Bashkuara në Kosovë. Këtë donacion e ka pranuar Nënkryetari i Komunës së Skenderajt Fadil Nura.
Më këtë rast nënkryetari Nura e ka falenderuar UNMIK-un për këtë donacion i cili do t’i shërbejë Komunës së Skenderajt në realizimin e punëve të përditshme në shërbim të qytetarëve të Skenderajt. Ai poashtu ka thënë se UNMIK-u në faza të ndryshme të zhvillimit institucional të Kosovës ka dhënë kontribut të rëndësishëm
Dorëzimin e veturës, donacion për Komunën e Skenderajt, e ka bërë z. Leonid Markaryan.
Shef i Zyrës për Mbështetje të Komunitetit, në kuadër të Msionit të Kombeve të Bashkuara në Kosovë.
Vetura e pranuar sot si donacion nga UNMIK-u, është veturë e përdorur në gjendje të mirë teknike dhe do të jëtë në shërbim të Komunës së Skenderajt në realizimin e punëve të përditshme administrative.
