Në 19 vjetorin e Betejës së Çirezit dhe Likoshanit, Komuna e Skenderajt ka bërë homazhe dhe ka vendosur lule në Kompleksin e dëshmorëve në Likoshan.
Një delegacion i Komunës së Skenderajt i prirë nga Nënkryetari Fadil Nura, më këtë rast i ka vizituar edhe familjet e dëshmorëve të rënë në këtë betejë të rëndësishme të UÇK-së kundër forcave policore dhe ushtarake që kishin sulmuar fshatrat Çirez e Likoshan më 28 shkurt të vitit 1998.
Bashkë me delegacionin e Komunës së Skenderajt, familjet e dëshmorëve i ka vizituar edhe një delagacion i Komunës së Drenasit i prirë nga Kryetari Ramiz Lladrovci.
Beteja e Çirezit dhe Likoshanit njihet si ngjarje shumë e rëndësishme e luftës në Kosovë. Pas luftës heroike të UÇK-së dhe humjeve që kishin pësuar forcat ushtarake serbe, ato u hakmorën me vrasjen me mizori të civilëve nga të dy fshatrat.
