Gjatë gjithë ditës së sotme Kompania Rajonale e Ujësjellësit Mitrovica, ka punuar intensivisht në ndërrimin e gypit kryesor të furnizimit me ujë të pijëshëm për qytetin e Skenderajt, transmeton DRENICA PRESS.
Punimet janë zhvilluar në lokacionin ku shtrihet gypi kryesor furnizues, në rrugën “Sala e Hamit Jashari” me gjatësi 500 metra.
Punimet janë bërë me qëllim të zëvendësimit të gypit të vjetër me kapacitetit të vogël të furnizimit me ujë, me gypin e ri që ka kapacitetit tri herë më të madh furnizues.
Vendosja e gypit të ri do t’i zgjidhë problemet me furnizimi me ujë për banorët e lagjes 2 dhe 3 të Skenderajt, lagje këto që kanë pasur probleme me furnizim deri më tani, për shkak të kapacitetit të vogël furnizues.
Procesin e ndërrimit të këtij gypit gjatë gjithë ditës e kanë inspektuar Nënkryetari i Komunës së Skenderajt Fadil Nura dhe udhëheqës të Ujësjellësit.
Nënkryetari Nura ka siguruar banorët se punët do të kryhen shumë shpejt dhe përfundimisht do zgjidhet problemi i furnizimit me ujë të pijëshëm në disa pjesë të qytetit të Skenderajt.
Ndërkohë gjatë ditës së sotme Kompania Ujësjellësi ka bërë edhe ndërrimin e pompes kryesore të furnizimit me ujë për Skenderajn në Shipol.
