Skenderaj – Nesër nis zyrtarisht gjysmëvjetori i dytë i vitit shkollor, duke shënuar rikthimin e nxënësve në bankat shkollore pas pushimit dimëror, përcjellë Drenica Press.
Drejtoria e Arsimit në Komunën e Skenderajt ka bërë të ditur se, në bashkëpunim me drejtuesit e shkollave, janë ndërmarrë të gjitha përgatitjet e nevojshme për një fillim të rregullt dhe pa pengesa të procesit mësimor. Sipas njoftimit, është siguruar ngrohja në të gjitha shkollat, janë mirëmbajtur hapësirat shkollore dhe është bërë furnizimi me mjetet e domosdoshme për zhvillimin normal të mësimit.
Drejtoria e Arsimit shpreh angazhimin e vazhdueshëm për të ofruar kushte sa më të mira dhe për të rritur cilësinë e procesit edukativo-arsimor në të gjitha institucionet shkollore të komunës.
Në fund, Drejtoria u ka uruar nxënësve, mësimdhënësve dhe prindërve një gjysmëvjetor të mbarë dhe plot suksese.
- Advertisement -
